Kaash kabhi aisa ho

Kaash kabhi aisa ho
tum mere ban jao aur mai tumhari..
Tum har pal mera intzaar karo;
Aur mai tumse milne ki koshish
Kaash mai tumhare liye khud ko aiyene mein dekhu;
Aur mujhe dekh kar tum halka sa muskurao
Kaash mujse baat karne ke liye tum bahane dhuundho;
Aur mai tumhari fizuul baatein dhyaan se sunu
Kaash apne beech yeh khamoshi bhi baatein kare;
Aur in aankhon ki guftgu mein dil ki har baat ho jaye
Kaash mere jaane par tumhara dil dhdka kare;
Aur mai palat kar tumhari ek nazar ko tarsa karun
Kaash apne beech yeh duuri ek din simat jaye;
Aur mai inn aankhon ki gehrai mein mai apni duniya dekhun